Кои се горливите проблеми на граѓаните во четири од регионите - Macedonian Center for International Cooperation

Македонски центар за меѓународна соработка - МЦМС

Кои се горливите проблеми на граѓаните во четири од регионите PDF Print E-mail
Tuesday, 05 September 2017 16:49

Екипа на Цивика мобилитас од 30 август до 1 септември имаше повеќе средби со претставници на граѓански организации од четири региони на Македонија, грантисти на програмата. На овие средби тие ги ислушаа и разговараа со грантистите за проблемите кои тие ги сметаат за горливи и итни и кои треба да бидат тема на претстојните два регионални форуми на почетокот на октомври, но кои треба да бидат адресирани и со други активности.

koi se gorlivite problemi na graganite vo chetiri od regionite

Граѓанските организации од полошкиот и југозападниот регион со кои разговараше тимот на Цивика мобилитас сметаат дека главен проблем со кој се соочува населението е управувањето со отпадот, поточно приоритет за решавање се дивите депонии и дека токму ова треба да биде носечка тема на еден од форумите. Се разговараше и за потребата од поголемо ангажирање на полето на подобрување на меѓуетничките односи.

И граѓанските организации од источниот и југоисточниот регион со кои се сретна тимот беа едногласни за тоа кој е нивниот најголем проблем – отворањето на рудниците Иловица и Казан дол, како и испитувањата на можностите за отворање повеќе други нови рудници. Тие сметаат дека со работата на новите рудници ќе се направи ненадоместлива еколошка штета, опасна по здравјето на населението, не само во овој регион, туку и многу пошироко. „Доколку има рудници, ќе нема луѓе“, рече еден од присутните на средбите. 

Голем проблем според граѓанските организации од сите региони е иселувањето. Има градови и села во источниот регион каде едвај се среќаваат луѓе по улица, велат тие, додавајќи дека не секогаш парите се главна причина за иселувањето, туку недостигот на квалитет на живот. Се разговараше и за недоволната соработката на локалните власти со граѓанските организации, но и меѓу самите општини, особено за регионални проблеми. Исто така често недостасува информирање и вклученост на граѓаните во работата на општините и во донесувањето на општинските политики, програми и буџети.

На форумите, кои ќе бидат отворени за граѓаните и сите заинтересирани, вклучително и за кандидатите за градоначалници и советници, ќе се разговара за конкретни решенија за утврдените проблеми и приоритети на регионално ниво. Очекувањето е сите учесници да се заложат за транспарентност, партиципативност и соработка за решавање на конкретните проблеми, особено оние кои ги тиштат граѓаните во повеќе општини и региони. 

Регионалните форуми се планирани да се одржат на почетокот од октомври во организација на проектната канцеларија и грантистите на Цивика мобилитас, на кои се очекува како и досега бројно учество на граѓани и граѓански организации, како и на сите заинтересирани и засегнати страни.

 

Google translate

Follow Us

RSSTwitterFacebookYouTubeScribd

Се наоѓаш тука  : Home News & Publicity News Кои се горливите проблеми на граѓаните во четири од регионите