Премиерот на Албанија, Сали Бериша, се обиде да го претстави албанскиот национализам како европски национализам. Овдешни аналитичари реагираат дека албанскиот национализам всушност е закана за мирот на Македонија и на регионот.

И Европа ја боли глава од малцински прослави

Сашо Клековски, директорот на МЦМС, организација што долго работела на малцинските прашања, вели дека прославата на празник на матичната земја или на земјата на потекло е секогаш контроверзно прашање.

• Секако дека секоја етничка група посакува слобода во прославувањето, вклучувајќи и државна поддршка. Исто така е важно дали прославувањето е вклучително - инклузивно или е невклучително - неинклузивно. И етничките Македонци сакаат да го прославуваат Илинден или друг празник и додека некаде тоа е со државна поддршка, како во Канада, некаде тоа не е возможно, како во некои земји од соседството. Во Македонија, повеќето датуми од значење на етничките заедници се и признаени празници од страна на државата и се неработни денови за припадниците на заедниците - додава Клековски.

Извор: Нова Македонија (27.11.2012)