Повик за мали акциски грантови ЦМ-МАК-01 - Македонски центар за меѓународна соработка - МЦМС

Македонски центар за меѓународна соработка - МЦМС

Повик за мали акциски грантови ЦМ-МАК-01 PDF Печати Е-пошта
Вторник, 01 септември 2015 13:25

Цивика мобилитас објавува повик за доделување мали акциски грантови, реф. бр. ЦМ-МАК-01.

Малите акциски грантови на Цивика мобилитас се наменети за поддршка на граѓански организации кои сакаат да ги промовираат своите цели на локално/национално ниво.

Пријави можат да поднесат здруженија и фондации кои се регистрирани во Македонија согласно Законот за здруженија и фондации (2010). Покрај апликантот, во пријавите можат да се вклучат и соработници.

Повикот се состои од Водич за апликантите, Образец за концепт и Образец за пријава. Апликантите првично го поднесуваат само образецот за концепт. Образецот за пријава се пополнува само доколку апликантот добил писмена покана од Цивика мобилитас да поднесе пријава, а по прелиминарниот избор на концептот.

Времетраењето на активностите од овој повик треба да биде најмногу 12 месеци. Големината на побараниот грант треба да биде најмногу 400.000 денари.

Расположливиот вкупен износ за повикот е 20.000.000 денари и ќе се распредели на околу 48 грантови во периодот 2015-2018 година.

Овој Повик за предлози ќе биде отворен до 30 јуни 2017 г. Концептите може да бидат поднесени во кое било време до овој датум. Комисијата за избор на малите грантови ќе носи одлуки на квартално ниво.

Концептите и пријавите се доставуваат по електронски пат на адресата Оваа е-пошта е заштитена од spambots, треба да вклучите JavaScript за да ја видите Цивика мобилитас нема да ги прифати концептите и пријавите кои не се поднесени по електронски пат на горенаведената адреса.

Заинтересираните може да ги испратат своите прашања по писмен пат во кое било време до 30 јуни 2017 г. на: Оваа е-пошта е заштитена од spambots, треба да вклучите JavaScript за да ја видите

Цивика мобилитас ќе обезбеди информации за овој Повик за предлози како дел од регионалните форуми за соработка „Твој простор, твој глас“ и за време на други настани. Датумите и локациите на одржување на регионалните форуми се достапни на: http://civicamobilitas.mk/mk/komponenti/1/regionalni-forumi

Следете ја веб-страницата и страницата на Фејсбук на Цивика мобилитас и информирајте се за евентуални промени или за последните прашања и одговори.

Цивика мобилитас е програма на Швајцарската агенција за развој и соработка (СДЦ) за поддршка на граѓанското општество, која ја спроведуваат НИРАС од Данска, Македонскиот центар за меѓународна соработка (МЦМС) и Шведскиот институт за јавна администрација (СИПУ).

 

Google translate

Следи нé

FacebookYouTubeTwitterScribdRSS

Се наоѓаш тука  : Почетна Вести и јавност Огласи Повик за мали акциски грантови ЦМ-МАК-01