Иселувањето меѓу желбите и можностите - Qendra Maqedonase për Bashkëpunim Ndërkombëtar

Македонски центар за меѓународна соработка - МЦМС

Иселувањето меѓу желбите и можностите PDF Shtyp Shpërndaje me Postë Elektronike
E mërkurë, 26 prill 2017 15:35

iseluvanjeto-megju-zelbite-i-moznostiteЖелбите за иселување се поголеми од реалните планови за тоа, покажаа резултатите од истражувањето на Македонскиот центар за меѓународна соработка (МЦМС) и Телевизија Телма на тема „Задоволство од местото на живеење и планови за напуштање на Република Македонија“.  Иако 39,2% од испитаниците трајно би сакале да ја напуштат земјата, сепак, извесно е дека тоа ќе го направат само 12,2%, односно оние кои планираат да го направат тоа во следните 12 месеци. 

Од резултатите може да се направи профил на граѓанинот кој би сакал да се исели. Тој/таа најчесто е жител/ка на Источниот регион, смета дека во Македонија не може да се напредува со напорна работа и не е задоволен/а со местото на живеење, има завршено средно или повисоко образование и е на помлада возраст.

trajno-iseluvanje

Профилот пак на граѓанинот кој најверојатно ќе се исели покажува дека тој/таа најчесто е жител/ка на Североисточниот регион, има родини надвор од земјата кои ќе му помогнат, е на возраст помеѓу 15 и 34 години и најчесто е студент или невработен. 

Што се однесува пак до оние кои би останале во Македонија, според профилот тој/таа  најчесто е жител на Полошкиот регион, смета дека во Македонија може да се напредува со напорна работа и задоволен/на е со местото на живеење. Нема завршено образование и е повозрасен/на.

vozrast-iseluvanje

Трите најголеми причини за иселување се: повисокиот животен стандард (25,0%), поголемите шанси да се најде работа (23,2%) и политичката ситуација (14,9%). 

Германија е земјата во која би се иселиле најголем број од граѓаните (22,2%). Иако интересот е поголем за европските земји, сепак не е за занемарување дека во прекуокеанските САД, Австралија и Канада би се иселиле 37,5% од испитаниците. 

За МЦМС и Телма, анкетата ја спроведе М-проспект. Податоците беа прибирани со телефонска анкета во периодот од 13 до 17 април 2017 година. Анкетата е спроведена на национален репрезентативен примерок од 1000 испитаници. Истражувањето е дел од проектот „Топ тема на ваша страна“, што го поддржа УСАИД.

 

Google translate

Na ndiqni

RSSTwitterFacebookYouTubeScribd

Проекти

Кодекс за граѓански организации

 

Civica Mobilitas

Отчетни ГО

Граѓански ресурсен центар

 

СЕЛДИ

Се наоѓаш тука  : Fillimi Lajme dhe opinioni Lajme Иселувањето меѓу желбите и можностите