Покрај Македонскиот центар за меѓународна соработка (МЦМС), како носител на проектот, во проектот ќе бидат вклучени повеќе други актери кои со своето релевантно искуство и влијание на меѓународно, односно национално и локално ниво ќе дадат свој придонес за ефективно воспоставување на институционалната рамка во селектираните пилот општини и незината одржливост понатака.

Балканска мрежа за развој на граѓанското општество (БЦСДН) ќе биде вклучена во организација на меѓународна конференција како мрежа на 12 граѓански организации од 9 земји во Југоисточна Европа (Албанија, Босна и Херцеговина, Хрватска, Косово, Македонија, Романија, Црна Гора, Словенија и Србија). БЦСДН во својата мисија се залага за зајакнување на граѓанското општество на Балканот преку споделување и развој на локални практики, концепти и јакнење на актерите на граѓанското општество. Една од целите на БЦСДН е и зголемување на улогата на граѓанското општество со јакнење на  својот глас во креирањето на политиките и во донесувањето одлуки на национално, регионално и на ниво на ЕУ.

Министерството за локална самоуправа (МЛС) е вклучен во проектот како битен чинител кој  што во својата надлежност како една од работите го има и следењето на развојот и предлагањето мерки за унапредување на локалната самоуправа. Министерството за локална самоуправа е одговорно за развојот на системот на локалната самоуправа во Република Македонија, како и  и за спроведувањето на процесот на децентрализација, како негов клучен сегмент. Еден од основните услови за успешно функционирање на локалната самоуправа, во услови на децентрализиран систем е сензибилизирање на граѓаните и нивно активно вклучување во процесите на креирање на политики, на донесување на одлуки, и во нивното спроведување преку делегирање на одредени надлежности од локалната самоуправа на граѓанскиот сектор. Главните придобивки кон кои цели актуелната реформа на локалната самоуправа и конкретно децентрализацијата се: подобрување на квалитетот на услуги на локално ниво, како и развој на локалната демократија, пред се преку примена на принципите на добро владеење-одговорност, транспарентност, партиципативност и ефективност.   За поттикнување на граѓанската партиципација е неопходно  да се создадат институционални капацитети во рамки на општинската администрација кои што ќе бидат директно одговорни за иплементација на соработката со граѓаните која што претходно ќе биде дефинирана во конкретени документи.

Заедницата на единиците на локалната самоуправа на Република Македонија (ЗЕЛС) како единствена национална асоцијација, во која на доброволна основа членуваат сите 85 посебни единици на локалната самоуправа, ќе даде свој придонес преку советодавна улога во Програмскиот одбор на проектот. Исто така ЗЕЛС, како своевиден центар во кој се координираат активностите за подобрување на работењето на единиците на локалната самоуправа има огромно значење за понатамошно предлагање на механизми за подобрување на соработката на локано ниво помеѓу ЕЛС и локалните граѓански организации.

Тргнувајќи од критериуми како што се големината на општината, бројот на населението, етничката застапеност, територијалната поставеност и други социо-економски карактеристики, МЦМС вклучи во проектот три пилот општини: Битола, Јегуновце и Дебар. Практиките и стекнатите искуствата во проектот од овие општини ќе бидат споделени и со другите единици на локалната самоуправа. На тој начин ќе се обезбеди и одржливоста на подготвените стратегии за вклучување на граѓаните и граѓанските организации во креирање политики на локално ниво, како и спроведување на акциони планови по завршување на проектот.

во изработка

Граѓанското учество во процесот на донесување на одлуки е од клучно значење за секое општество кое се декларира како демократско, а посебно е важно за младите демократии како што е Македонија. Создавањето институционални механизми за соработка на граѓаните и државните органи и тела во процесот на креирање и носење на законите, политиките и други акти е основа на партиципативната демократија.

Во Република Македонија постојат повеќе документи кои ја даваат основата за учеството на граѓаните и граѓанските организации во креирањето на политиките, почнувајќи од Уставот на Република Македонија, преку повеќе закони како Законот за референдум, до Деловникот за работа на Владата и специфично Стратегијата за соработка на Владата со граѓанскиот сектор. Меѓутоа, и покрај оваа основа и покрај неколку примери од некои од министерствата, сепак нема централно воспоставен систем на вклучување на граѓанските организации во процесите на креирање на политиките. Ова особено отсуствува на локално ниво, каде што се претпоставува дека граѓанските организации треба да бидат вклучени во расправата и одлуките за најголем број од прашањата кои ги засегаат граѓаните.

Со проектот „Граѓански дијалог на локално ниво“ МЦМС ќе даде придонес кон овозможувањето на институционална рамка за вклученост во креирањето на политиките на локално ниво.

Општата цел на проектот е зголемена одговорност на институциите, граѓанските организации и граѓаните.

Цел на проектот е зголемено влијание на граѓанските организации во креирање на политиките на локално ниво.

Целната група се граѓанските организации, единиците на локална самоуправа, МЛС, ЗЕЛС.

Локација: Проектот ќе се спроведува во Република Македонија. Во Македонија активностите ќе се реализираат во Скопје, Битола, Дебар и Јегуновце.

Очекувани резултати од проектот се:

1. Подобро разбирање на граѓанското учество креирањето политики и на механизмот за соработка помеѓу локалната самоуправа и граѓанските организации.
2. Донесен и применет механизам за соработка со ГО во избраните локални самоуправи.
3. Споделени искуства за партиципација на граѓанскиот сектор во креирање политики помеѓу  единиците на локалната самоуправа

Активности:

1.1. Компаративна анализа за најдобри практики за вклучување на ГО во креирање политики на локално ниво во земјите на ЕУ и Балканот
1.2. Преглед на законските основи и практиката на вклучување во донесување на одлуките на локално ниво како и на соработката на локално ниво во Република Македонија
1.3. Прирачник за граѓанско учество во донесување на одлуки на локално ниво
1.4. Конференција за споделување на наодите од анализата и дебата за препораките
2.1. Развој на механизми за соработка и вклучување на граѓанските организации во креирање на политики
3.1. Завршна национална конференција

Вклучени организации

Македонски центар за меѓународна соработка (МЦМС) го спроведува проектот “Граѓански дијалог на локално ниво” кој е поддржан од Европската Унија преку Европскиот инструмент за демократија и човекови права (ЕИДХР). Проектот се спроведува од 21 декември 2010 г. до 20 декември 2011 г.

МЦМС со овој проект разработува една од мерките предвидени во Стратегија за соработка на Владата со граѓанскиот сектор која што се однесува на континуираниот развој на граѓанскиот сектор и пред се на промоцијата на граѓанскиот сектор надвор од Скопје. Воспоставување на механизам за соработка на локалната самоуправа со граѓанскиот сектор е целта која што треба да се постигне во селектираните пилот општини Битола, Јегуновце и Дебар, а воедно да послужи и како пример за другите општини во Република Македонија.

МЦМС во долгогодишното искуство  преку своите проекти  предводи и поттикнува промени со иновации и алтернативни модели за решавање на општествените предизвици, кои влијаат на останатите актери и се вклучуваат во главните општествени текови. Едни од долгорочните цели на МЦМС се и добро управување, партиципација и политики насочени од и кон луѓето и вкоренето и динамично граѓанско општество, кое влијае на јавните политики.