Македонски центар за меѓународна соработка - МЦМС

Група невладини организации од земјава и Хелсиншкиот комитет жестоко ги осудија нападите на Демократската партија на Албанците врз новинарот и публицист Исо Руси, кои беа објавени на Интернет-страницата на владејачката партија.

Пред голем број претставници на невладиниот сектор вчера во Скопје беше презентиран Индексот на граѓанско општество во Македонија, истражувачки проект на Македонскиот центар за меѓународна соработка (МЦМС), кој во себе ги сублимира вредностите, структурата и влијанието на невладиниот или граѓанскиот сектор во државата.

Сите осумдесет и четири општини во Македонија се претставени во најновиот Адресар на општините во Македонија во издание на Македонскиот центар за меѓународна соработка(МЦМС) и на Заедницата на единиците на локалната самоуправа (ЗЕЛС). Адресарот ја дава комплетната слика на општините, почнувајќи од локацијата и контактите, преку демографската, родовата и етничката структура на населението, а заинтересираните имаат можност да ја дознаат и состојбата на економијата во општината, најважните проекти на локалната единица, како и еколошката слика на општината.

Македонските граѓаните не веруваат во државата, но најмногу помош во решавање на проблемите очекуваат токму од државните институции.

Граѓаните во Македонија имаат највисока доверба во семејството (94 отсто), додека едвај малку над половината, или 54,5 отсто, имаат општа доверба во луѓето. Македонците, генерално, не веруваат во институциите, а од малото мнозинство што имаат доверба, најмногу им се верува на медиумите (56 отсто), деловниот сектор (49,8 отсто), граѓанскиот сектор (48,1 отсто), меѓународната заедница (44,5 отсто), а најмалку на државата (29,2 отсто) и на политичките партии (22,3 отсто). Ова се само дел од резултатите на истражувањето за „Довербата, одговорноста за општествените прашања и добротворството“, што вчера го промовираше Македонскиот центар за меѓународна соработка (МЦМС).