Конференција: Потреба од граѓански дијалог и соработка на локлано ниво

Денес од 15:00 до 16:30 во рамките на саемот на општините ЗЕЛС ЕКСПО, Македонскиот центар за меѓународна соработка (МЦМС) ќе одржи завршна конференција за проектот Граѓански дијалог на локално ниво.

На конференцијата ќе бидат споделени резултатите и искуствата од пилот општините Битола, Дебар и Јегуновце во кои преку консултативниот процес се подготвија стратегии за соработка со граѓанскиот сектор. Исто така ќе се истакне и важноста и потребата од граѓански дијалог и соработка на локално ниво со што ќе се поттикнат и другите општини во иднина да подготват стратешките документи за соработка со граѓанскиот сектор.

Проектот "Граѓански дијалог на локално ниво" е поддржан од Делегацијата на ЕУ во Скопје од ЕИДХР. Цел на проектот е зголемено влијание на граѓанските организации во креирање на политиките на локално ниво.