Од 1 септември 2015 година до 31 март 2016 година МЦМС, со финансиска поддршка на Амбасадата на Кралството Велика Британија, ќе го спроведува проектот „Акции во заедницата“. Проектот ќе се спроведува во Североисточниот регион, а ќе бидат опфатени три помали заедници. Буџетот на проектот е 100.000 фунти.

Акции во заедницата имаат за цел да ги развијат капацитетите на граѓаните за учество во носењето одлуки на локално ниво и да ги развијат капацитетите на локалната администрација за децентрализација и демократизација во решавањето на заедничките потреби и проблеми  во партнерство со граѓаните и другите локални чинители. 

Преку групни дискусии во заедниците граѓаните ќе разговараат за проблемите и ќе  формулираат решенија. Во врска со решенијата ќе се формулираат проекти со чие спроведување ќе се постигнат социјални и економски ефекти во тие заедници. 

Првите контакти во општините Куманово и Липково веќе се направени. На претставниците на општинската администрација им беа објаснети целите на проектот, методологијата и пристапот. Двете општини искажаа задоволство од вклученоста во проектот и подготвеност максималнон да придонесат за постигнување на целите.