Македонски центар за меѓународна соработка - МЦМС

На 6 и на 7 јуни 2012 година се одржаа состаноците на оперативните групи за општините Делчево и Желино каде МЦМС, во овој циклус, ќе ги спроведува Форумите во заедниците.

Состаноците на оперативните групи се дел од подготовките за започнување на форумските сесии. На состаноците, членовите беа запознаени со нивните одговорности, начинот на мобилизирање граѓани за сесиите, деталите околу подготовката на сесиите и известувањето за нив итн.

На состаноците им претходеше избор на ко-модератори за двете општини и обуки од страна на Единицата за координација на форумите.

Заедно со општините беа договорени и термините за првите две сесии. Се очекува, првата форумска сесија во Делчево да се одржи на 15 јуни, а во Желино на 21 јуни 2012 година. Втората сесија во Делчево треба да биде организирана на 6 јули, а во Желино на 18 јули 2012 година.

И во двете општини се спроведуваат проектни форуми. Форумските сесии се очекува да завршат во октомври 2012 година.