Македонски центар за меѓународна соработка - МЦМС

Деновиве во Битола забрзано се работи на завршување на трите проекти поврзани со Тумбе кафе што граѓаните ги одбраа во рамките на програмата Форуми во заедниците. Се поставува летната сцена, светлата се пуштени во употреба и се средува трим патеката.

Со проектите исто така ќе се ревитализираат употребливите реквизити, ќе се заменат оштетените и ќе се постават нови спортски и детски реквизити.

Граѓаните очекуваат да се врати стариот сјај на Тумбе-кафе, а новите генерации да ја продолжат традицијата и да го користат овој локалитет кој за битолчани има посебна културно-историска вредност.

Договорената сума за спроведување на трите проекти изнесува околу 7,5 милиони денари. Парите се обезбедени од страна на Швајцарската агенција за развој и соработка, општината Битола и мал дел од партнерите во проектите: Јавното претпријатие „Нискоградба“, Здружението на граѓани „Центар за културна деконтаминација“ и основното училиште „Кирил и Методиј“.

МЦМС го водеше процесот на идентификување на проблемите, форумулација и одлучување за проектите кои ќе бидат поддржани со средствата од програмата Форуми во зaедниците.