Македонски центар за меѓународна соработка - МЦМС

За разлика од минатата година, кога поддршката за Владата била над 44 отсто, годинава процентот е зголемен на 51 отсто. Довербата во Владата е зголемена кај етничките Македонци, а е на исто ниво како и претходно кај етничките Албанци. Нема поголеми промени за поддршката на претседателот на државата која се движи околу 35 проценти, а само три проценти повеќе има поддршка Собранието. Граѓаните имаат најмалку доверба во судството - 21, 2 отсто.

Повеќе од 65 отсто од анкетираните искажале поддршка за образовните институции, а 64 отсто и' веруваат армијата. Полицијата и здравствените организации имаат помала доверба, но нив сепак ги поддржуваат мнозинство од граѓаните. Довербата во јавното здравство е повисока за 6 проценти, кај лекарите за 11 отсто повеќе од лани.

Извор: Дневник (22.11.2008)