Македонски центар за меѓународна соработка - МЦМС

Вчера во Велес беше отворена црковно-народна кујна. Со донација на Епархијата повардарска, МЦМС и Општината Велес, дневен топол оброк ќе добиваат од 150 до 180 сиромашни граѓани.

За изградбата и просторното уредување се вложени пет милиони денари. Два милиони и 200 илајади денари донираше МЦМС, Општината Велес 700 илјади денари, а останатите средства ги обезбеди Епархијата Повардарска. Опремата за подготвувањето на храната е подарена од училишните кујни од осумгодишните училишта во селата Иванковци и Сујаклари, додека масите и столовите ги обезбеди Епархијата. Првата црковно- народна кујна ќе се финансира преку донации од граѓаните, претпријатијата и установите. Волонтери на фондацијата "Фокус" секојдневно на тешко болните и неподвижни граѓани оброк ќе им носат во нивниот дом.

(С.А.)

Извор: Вечер (23.ноември.2007)