Македонски центар за меѓународна соработка - МЦМС

На 9–ти ноември во просториите на ООУ" Св.Климент Охридски" се одржа четвртата форумска сесија што се спроведува во општина Македонски Брод. На сесијата учествуваа 88 жители од општината.

На сесијата беа опфатени презентации и дискусии за проекција на расходите во општината за 2012 година. Во овие рамки, од страна на граѓаните беа дадени 25 предлози за расходи по две програми на општина Македонски Брод за 2012 г. и тоа: Програма за изградба, реконструкција, одржување и заштита на локални патишта и улици, и Програма за развој на културата.

"Форумот овозможува граѓаните да се доближат до надлежностите и програмите на општината, како и до буџетот со кој располага општината. Форумот како процес укажува на тоа дека општината треба да се фокусира на јавноста, односно на граѓаните, со тоа би ја зголемило нивната доверба и поддршка", рече Зоран Новески, општински координатор на програмата.

Никола Андрески, граѓанин на општина, кажа дека преку одржувањето на форуми очекува да се подобрат условите за живот на граѓаните, да се слушне нивниот глас и да се решат проблемите.

Следната форумска сесија во Македонски Брод ќе се одржи на 2 декември оваа година.