Македонски центар за меѓународна соработка - МЦМС

МЦМС и Обединетата македонска дијаспора (ОМД) и оваа година ќе го спроведуваат проектот „Родум од Македонија“ и ќе им овозможат на неколкумина студенти од македонската дијаспора да престојуваат во Македонија и да се поврзат со своите корени, традиција и култура. Тринеделниот престој ќе биде организиран во периодот од 29 јуни до 20 јули 2018 година во Скопје. 

Студентите од македонската дијаспора вообичаено се сместени во семејства домаќини. МЦМС ги поканува заинтересираните кои имаат можност и сакаат да се пријават и да бидат дел од „Родум од Македонија“. Повеќе информации за пријавувањето можете да најдете во веќе објавениот Оглас.

„Родум од Македонија“ успешно се спроведуваше во претходните три години кога можноста ја искористија четворица студенти во првата година, шест во втората и осум во третата година. 

Вашиот интерес да бидете домаќини на еден од студентите, можете да го искажете на е-маилот: This e-mail address is being protected from spambots. You need JavaScript enabled to view it најдоцна до 31 мај 2018 година.

„Родум од Македонија“ е дел од глобалниот проект „The Macedonian Heritage Village“.