Македонски центар за меѓународна соработка - МЦМС

Македонската делегација во парламентарното собрание на Советот на Европа и граѓанскиот сектор заеднички ќе го убедуваат светот Македонија да ја нарекува со уставното име, а не со референцата ФИРОМ.

Иницијаторите на граѓанската акција "Кажи Македонија" вчера и предадоа протестно писмо, 50.000 потписи и илјадници картички со порака "Не ме фиромирај, викај ме Македонија" на македонската парламентарна делегација во Парламентарното собрание на Советот на Европа.

На денешната средба во Собранието невладините организации, организатори на акцијата „Не викајте ме фиром“, побараа од македонската делегација во парламентарното Собрание на Советот на Европа да ги пренесат во Стразбур ставовите на граѓаните во врска со документот издаден од Советот на Европа со кои се навредуваат македонските културни и национални чувства.

Во 15 града низ Македонија од вчера продолжи кампањата „Кажи: Македонија!“, во која граѓаните испраќаат пораки до Советот на Европа против документот со кој македонскиот народ, јазик и култура се нарекуваат „словенски“. Кампањата ќе трае до петок, најавија организаторите.

Десетина македонски невладини организации, институции и здруженија на граѓани вчера упатија остар протест против директивата на Советот на Европа за терминологијата наменета за Македонија, обвинувајќи го Советот оти директно го напаѓа мултикултурниот идентитет на земјата, вграден во Уставот и Рамковниот договор.